"Formula 1"-in keçmiş başçısı 89 yaşında ata olacaq

"Formula 1"-in keçmiş başçısı, 89 yaşlı milyarder Berni Çarlz Ekklstoun iyul ayında ilk dəfə oğul atası olacaq.

"Formula 1"-in keçmiş başçısı 89 yaşında ata olacaq
https://peyk.az

Peyk.az ru.hellomagazine.com-a istinadən verdiyi xəbərə görə, dördüncü övladının anası 44 yaşlı Fabiana Flosidir. "Bəli, yayda övladım dünyaya gələcək. Ümid edirəm ki, o, tez bir zamanda nərd oynamağı öyrənəcək. Sözün düzü, bu xəbərin niyə bu qədər səs-küy yaratdığını anlamıram! Mən çox xoşbəxtəm - həm özüm, həm xanımım üçün. O, bunu illərlə gözləyib və şadam ki, mən olmayanda onun oğlu yanında olacaq. Ümumiyyətlə, bu, əyləncəlidir, burada heç bir dram görmürəm. Bəli, artıq nəvələrim var, amma daha bir övladımın dünyaya gəlməsini səbirsizliklə gözləyirəm", - deyə o, mətbuata müsahibəsi zamanı bildirib.
Qeyd edək ki, oktyabrda 90 yaşı olacaq Ekklstounun üç qızı var: birinci həyat yoldaşı İvi Bemforddan 65 yaşlı Debora, ikinci həyat yoldaşı Slavika Redikdən 35 yaşlı Tamara və 31 yaşlı Petra.
Berni 2009-cu ildə Slavikadan boşanıb və həmin ildə yeni sevgisi - Braziliyadan olan marketinq direktoru Fabiana Flosi ilə tanış olub. 2012-ci ildə onlar ailə qurublar.

Berni və Fabiana hazırda Braziliyanın San-Paulu şəhərinin yaxınlığındakı fermada özlərini təcrid ediblər.