İçərişəhərdə keçmiş məhkum zorla bir nəfərin pulunu əlindən aldı

Faktla bağlı araşdırma aparılır Bakıda quldurluq hadisəsi baş verib.

İçərişəhərdə keçmiş məhkum zorla bir nəfərin pulunu əlindən aldı
https://peyk.az

Hadisə noyabrın 2-də paytaxtın İçərişəhər M.Maqomayev küçəsində baş verib.

Belə ki, saat 12:30 radələrində naməlum şəxs Bakı şəhər sakini C.Rüstəmbəylini bıçaqla hədələyərək 200 manat pulunu quldurluq yolu ilə ələ keçirib.

Daha sonra C.Rüstəmbəyli hüquq-mühafizə orqanları əməkdaşlarına müraciət edib.

Səbail Rayon Polis İdarəsinin Cinayət Axtarış Şöbəsi və 9-cu Polis Bölməsinin əməkdaşlarının birgə keçirdikləri əməliyyat-axtarış tədbirləri nəticəsində qeyri-aşkar şəraitdə quldurluq əməlini törətməkdə şübhəli bilinən paytaxt sakini, 1997-ci il təvəllüdlü, əvvəllər məhkum olunmuş O.Tağıyev saxlanılıb.

Faktla bağlı araşdırma aparılır.