İlk elektrik mühərrikli təyyarə Kanadada havaya qalxıb

İlk elektrik mühərrikli təyyarə Kanadada havaya qalxıb
https://peyk.az

Keçən ilin sonunda yayılan maraqlı xəbərlərdən biri də ilk elektrik mühərrikli təyyarənin havaya qalxması oldu. "Harbour Air" aviaşirkətinin məlumatında qeyd olunub ki, aviaşirkətin hidrotəyyarə istehsal edən mütəxəssislərinin səyi nəticəsində yanacaqsız uçan təyyarə reallığa çevrilib. Layihənin elektrik mühərrikini "MagniX" şirkəti hazırlayıb.

Səhər saatlarında havaya qalxan "ePlane" Riçmond səmasında ilk uğurlu kommersiya uçuşunu yerinə yetirib: "de Havilland Canada DHC-2 Beaver" markalı 6 yerli təyyarədə 750 at gücünə malik olan "magni500" mühərriki quraşdırılıb. Təyyarəni "Harbour Air" aviaşirkətinin baş direktoru və sahibi Qreq Makduqall idarə edib.

Bildirilir ki, aviaşirkət tezliklə elektrik mühərriki ilə uçan təyyarələrin motor sisteminin sertifikatlaşdırma prosesini həyata keçirməyi planlaşdırır. Mühəndislər mühərrikin gücünün artırılması üzrə yeni uğurlar əldə olunduğunu, lakin batareya sisteminin təkmil olmadığını qeyd edirlər. Bu səbəbdən təyyarə 160 kilometrdən uzağa uça bilmir.