Koronavirusu müalicə edən YEGANƏ PREPARAT budur

Hazırda kovid infeksiyasını müalicə edən yeganə təsdiq olunmuş virus əleyhinə preparat “remdesivir” preparatıdır.

Koronavirusu müalicə edən YEGANƏ PREPARAT budur

Hazırda kovid infeksiyasını müalicə edən yeganə təsdiq olunmuş virus əleyhinə preparat “remdesivir” preparatıdır.

Peyk.az bildirir ki, hidroksixloroxin, kaletra, arbidol (umifenovir), afludol (umifenovir), favipiravir kimi preparatlar koronavirusu nəinki müalicə etmir, onlardan bəziləri hətta ağır yanaşı təsirlərə səbəb olur. Belə ki, hidroksixloroxin ürək-damar sistemində ağır fəsadlar yarada bilir. Xüsusilə bu ürək xəstəlikləri olan, yaşlı insanlara aiddir.

Təəssüf ki, bizim sosial şəbəkələrdə koronavirusa qarşı heç bir təsiri olmayan preparatların "qara bazar"larda çox baha qiymətə satılması haqqında saysız məlumatlar yayılıb. Məsələn, epidemiyadan əvvəl heç kimə lazım olmayan 6-7 manatlıq Arbidol indi defisit olub və bəzi məlumatlara görə “qara bazar”da 45-100 manat arası satılır.

Digər koronavirusa qarşı heç bir effektivliyi sübut olunmamış preparat favipiravir, yenə də sosial şəbəkələr istifadəçilərinin məlumatlarına görə hətta 700-1000 manata satılır. Yaponiyada aparılmış son araşdırmalar göstərib ki, favipiravir koronavirusa qarşı effektiv deyil və bundan əlavə hamilə qadınlar üçün olduqca təhlükəlidir. Onun qəbulu dölün ana bətnində tələf olmasına, döldə qüsurların yaranmasına, hamiləliyin pozulmasına səbəb ola bilər. Nəzərə alsaq ki, favipiravir qəbul edən qadın hamilə olduğunu bilməyə bilər bu xüsusilə təhlükəlidir.

Beləliklə, sonda yenə təkrar etmək istərdik ki, hazırda koronavirusa qarşı effektli olan yeganə preparat “remdesivir”dir. Bu preparat hazırda bütün dünyada defisitdir və onun 1 ampulun qiyməti 390 dollar təşkil edir. Xəstələrin əksəriyyətinə 6 ampul tələb olunur.  Peyk.Az

Peyk.Az