“Qarabağ” qış çempionluğunu təmin etdi
Azərbaycan Premyer Liqasının qış çempionu bəlli olub.
Daily news
Noy 24, 2019 10:47
24
0
Peyk.az xəbər verir ki, ölkə birinciliyində fasiləyə iki tur qalmış “Qarabağ” liderliyi təmin edib.
Bu gün başa çatan XII turda Qurban Qurbanovun komandası rəqib meydanında “Sumqayıt”a uduzsa da (1:2), onların ən yaxın izləyicisi “Keşlə” də məğlub olub.
Tərlan Əhmədovun baş məşqçisi olduğu komanda səfərdə “Zirə” ilə bacarmayıb - 1:3.
Bununla da fasiləyə iki tur qalmış aradakı 8 xallıq fərq dəyişməyib.
Hərçənd son turda “Qəbələ”yə qalib gələn (4:1) və “Keşlə”dən ikinciliyi alan “Neftçi”nin “Qarabağ”a çatmaq imkanı olsa da, şəxsi oyunlardakı (2:0, 0:0) üstünlük ağdamlıların ili birinci pillədə başa vuracağını dəqiqləşdirir.
Maraqlıdır ki, bu, “Qarabağ”ın tarixində 7-ci qış çempionluğudu.
Rekord isə “Neftçi”yə məxsusdu. Bakılılar 8 dəfə yeni ili lider kimi qarşılayıb.
