Qonşu ölkələrdə koronavirusla bağlı son statistika

Rusiyada son sutka ərzində daha 8 985 nəfərdə koronavirusa yoluxma faktının aşkarlanması ilə yoluxanların ümumi sayı 476 min 658-ə çatıb. “Qafqazin

Qonşu ölkələrdə koronavirusla bağlı son statistika

Rusiyada son sutka ərzində daha 8 985 nəfərdə koronavirusa yoluxma faktının aşkarlanması ilə yoluxanların ümumi sayı 476 min 658-ə çatıb.

“Peyk.AZ” xəbər verir ki, bu barədə Rusiya hökumətinin koronavirusla mübarizə üzrə operativ qərargahının internet saytında açıqlama verilib. Bildirilib ki, ölkə üzrə aktiv koronavirus xəstələrinin sayı 239 min 999 nəfər təşkil edir.

Ötən gün ərzində xəstəlik səbəbindən daha 112 nəfərin həyatını itirməsi ilə ölüm hallarının sayı 5 971-ə çatıb. Ümumilikdə 230 min 688 pasiyent isə sağalaraq evinə buraxılıb.

Gürcüstanda koronavirusa yoluxanların sayı daha 1 nəfər artaraq 810-a çatıb.

Bu barədə Gürcüstanda koronavirusla mübarizə çərçivəsində yaradılmış “Stopcov.ge” internet portalında məlumat verilib. Xəstəlik səbəbindən 13 nəfər həyatını itirib, 683 nəfər isə sağalaraq evinə buraxılıb.

Ermənistanda koronavirusa yoluxanların sayı sutka ərzində daha 195 nəfər artaraq 13 325-ə çatıb.

Bu barədə Ermənistan Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzin saytında məlumat verilib.

Xəstəlik səbəbindən həyatını itirənlərin sayı daha 11 nəfər artaraq 195-ə çatıb. Ümumilikdə 4 099 pasiyent müalicə olunaraq sağalıb, 8 943  xəstənin müalicəsi davam etdirilir.

Qeyd edək ki, Ermənistanda epidemiyaya görə martın 16-dan etibarən tətbiq olunan fövqəladə vəziyyət rejimi 13 iyuna qədər uzadılıb.