Qurbanlıq heyvanların qanunsuz kəsimi ilə məşğul olan şəxs tutuldu - FOTO

Ağdaş Rayon Polis Şöbəsinin əməkdaşları tərəfindən Qurban bayramı ilə əlaqədar olaraq müəyyən edilmiş yerlərdən kənarda qurbanlıq heyvanların satışı və kəsiminin, eləcə də, insanların sıx toplaşmasının qarşısının alınması məqsədilə rayon ərazisində reyd keçirilib. Bununla bağlı Daxili İşlər Nazirliyinin Mətbuat xidmətinin Şəki...

Qurbanlıq heyvanların qanunsuz kəsimi ilə məşğul olan şəxs tutuldu - FOTO

Ağdaş Rayon Polis Şöbəsinin əməkdaşları tərəfindən Qurban bayramı ilə əlaqədar olaraq müəyyən edilmiş yerlərdən kənarda qurbanlıq heyvanların satışı və kəsiminin, eləcə də, insanların sıx toplaşmasının qarşısının alınması məqsədilə rayon ərazisində reyd keçirilib.

Bununla bağlı Daxili İşlər Nazirliyinin Mətbuat xidmətinin Şəki regional qrupu məlumat yayıb.

Bildirilib ki, keçirilən reyd zamanı müəyyən edilməyən yerdə qurbanlıq diri heyvanların satışı və kəsimi ilə məşğul olan şəxs müəyyən edilib.

Polis əməkdaşları tərəfindən rayon sakini Sadiq Yusifova bir neçə dəfə xəbərdarlıq edilsə də, o, buna məhəl qoymayıb və qaydaları pozmaqda davam edib. Polisin qanuni tələbinə məhəl qoymayan S.Yusifov saxlanılaraq, Polis Şöbəsinə gətirilib.

Onun barəsində toplanılmış materiallar baxılması üçün rayon məhkəməsinə göndərilib.